ARE YOU AWAKE IN THIS FINAL HOUR

 

Marami sa mga tao ngayon ang halos hindi na natutulog, marahil dahil sa kanilang mga trabaho ay panggabi kaya imbis na natutulog sila sa gabi ay sa umaga sila natutulog. Meron naman sa sobrang busy din sa mga online games kung kailan kasi gabi ay mas mabilis ang internet dahil mas marami pa rin ang tulog sa gabi. Meron din naman na natutulog ng madaling araw dahil minsan sa sobrang pagod na ay lumipas na ang tamang oras ng tulog na nagawa kaya imbis na makatulog ka ay lalo napupuyat. Kaya marami ngayon ang may sakit dahil na rin sa kulang ng tulog.

Pamagat: ARE YOU AWAKE IN THIS FINAL HOUR

 

Texto: Roma 13:11 At ito, yamang nakikilala ang panahon, na ngayo'y kapanahunan nang magsigising kayo sa pagkakatulog: sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una.

 

Romans 13:11 And that, knowing the time, that now it is high time to awake out of sleep: for now is our salvation nearer than when we believed.

 

Malaman natin sa pag aaral, ang mga tao ay may dapat o tamang tulog lamang,  ayon sa pagaaral mayroong ibinibigay na Recommended Hours of Sleep;

 

New Born up to 3 months old- 14-17 hours of sleep daily

Infants                               12-15 hours of sleep daily

Toddler                               11-14 hours of sleep daily

Pre school age children                10-13 hours

School age children                     9 to 11 hours

Teen agers 13 yrs old to 18 years old   8 to 10 hours

Adult 18 years to 60 years old             7 to 9 hours

Elders or seniors 61 above            7 to 8 hours

 

Makita natin sa statistic na habang ang tao ay nagbabago ng edad o tumatanda na, ay imiikli ang tulog ng mga ito. Alam nyo ba na karamihan sa nagkakaedad na, ang tulog lamang nila ay 4 to 6 hours, may iba pa na halos maidlip lamang sila ay sapat na.

 

Sino po dito ang nakaranas na kahit na 4 to 6 hours lang ang tulog ay feeling nila ay kumpleto na ang kaniyang tulog? Say Amen!

 

Ang sobrang tulog din naman ay nakakapagdulot ng sakit sa tao.

 

Mga sakit na naidudulot ng sobrang tulog--ayon sa pag aaral ang sobrang tulog ay nagdudulot ng medical problems, gaya ng headache, thyroid issues, heart disease, diabetes, depression and increase of death.

 

Madami din palang masamang dulot ang sobrang pagtulog.

I.           What is sleep? In this verse- In Greek Sleep means “Hupnos”- (hoop-nos) from an obsolete primary sleep that is (figuratively) spiritual torpor-Sleep 

n  SLEEP/TORPOR in Dictionary - A state of physical or mental inactivity. Estado ng katawan o mental na walang ginagawa- Pamamanhid, kawalan ng pakiramdam at katamlayan

n  LETHARGY- a lack of energy or enthusiasm.- paghihina, antok, katamlayan at kulang sa lakas.

Sino sa inyo kahit natutulog ay may ginagawa? O sinong  nakakita sa inyo na natutulog pero may nagagawang ibang mga bagay? Say Amen!

Totoong walang tunay na natutulog na makakagawa pa ng iba’t ibang aktibidades. Kaya nga ang taong may edad na o mga taong maraming iniisip ay hindi na halos natutulog dahil sa gusto nilang matapos ang kanilang mga ginagawa o iniisip man. Dahil kung sila ay matutulog maaantala ang kanilang mga ginagawa.

 

Romans 13:11 (KJV) And that, knowing the time, that now it is high time to awake out of sleep: for now is our salvation nearer than when we believed.

 

II.         KNOWING THE TIME: Time means of uncertain affinity- hindi tiyak na pagkakahawig

 

1.  An occasion that is set or proper time- Okasyon na itinakda sa tamang oras

2.  Always opportunity (convenient due)- Laging dapat na mauna

3.  Season (due short while)- napapanahon

4.  Time a While- habang may oras pa

“May kasabihan nga na ang oras ay hindi na maibabalik pa”

 

Roman 13:11 As you do all this, you know what time it is. The hour has already come for you to wake up from your sleep. Now our salvation is nearer than when we first had faith. 

 

Atin daw alamin ang oras o panahon? Ano ba ang napagmamasdan o namamalas mo sa mga araw na ito? Sinasabi sa salita ng Dios

 

Efeso 5:16  Take advantage of every opportunity because these are evil times.

Na inyong samantalahin ang panahon, sapagka't ang mga araw ay masasama.

 

Ang pagsasamantala ng mga panahon ay dapat na may ginagawa tayo. Hindi tayo pwedeng tutulog tulog lamang, dahil kung tutulog tulog lang tayo hindi natin mamamalayan kung ano na ang nakapangyayari sa ating kapaligiran.

 

2 Tim 3:1 (Gw)Understand that the last days will be dangerous times.

 

Sinasabi sa mga talatang ating nabasa na ang mga panahon ay masasama, may mababasa pa nga tayo na ang masasama ay patuloy na magpapakasama, patuloy silang magiging masama kung patuloy silang magpapakatulog sa mga panahong ito. Kaya sa ating texto ang mga tao ay ginigising dahil ang mga araw ay masasama. Sila na natutulog sa Espiritual o natural  man.

 

Unawain natin sa mga huling mga araw na masama, mapanganib, delikado at peligro.

 

Ang taong tulog sa natural ay walang malay sa kaniyang kapaligiran, anoman ang mangyari sa kaniyang kapaligiran wala siyang magagawa kung siya ay natutulog. Hindi niya alam na nagkakalabugan na o nag aaway na sa kapaligiran nya. Maraming maaaring makapangyari sa iyo kung ikaw ay natutulog. At wala kang kamalayan maging mahaba man ang lumipas na mga oras. Gaya ng kahulugan ng Sleep o tulog ito ay isang physical na walang malay, maaaring pamamanhid o walang pakiramdam.

 

Ang ibig sabihin ng Sleep o tulog dito ay Spiritual Torpor, ang tulog sa Espiritual ay hindi nakakaalam kung anong kasamaan na ang nangyayari sa kaniyang kapaligiran, maging sa kaniyang buhay man. Maraming mga tao ang napipiringan ang kanilang mga mata kaya hindi nila namamalayan ang kasalanan na kanilang nagagawa dahil sila ay mga tulog sa Espiritual.

 

Mga halimbawa:

 

n  Sila na mayayaman sa buhay- hindi natin nilalahat ang mayayaman ngunit mas nakahihigit sila na nasa pagkatulog sa Espiritual, dahil sa sobrang pagnanasa nila na sila ay mas madaming kitain, gumagawa sila ng mga bagay na nawawalan na ng oras sa Dios. Marami sa kanila na mas may panahon sa kanilang mga negosyo, kung hindi man ay sa mga aliwan, pamamasyal, mga kasiyahan, mga gimikan at kaunti o maaaring wala ng panahon sa paglilingkod sa Dios.

 

Ang iba naman ay mas pinipiling magbigay ng mga malalaking kaloob sa mga simbahan para mapagtakpan ang mga gawang hindi maganda na kanilang ginagawa. Mga pangdaraya sa negosyo o sa pagbabayad ng mga taxes. Dahil akala nila mababayaran ng kanilang mga pera ang kanilang masasamang gawa o pagkukulang man.

 

n  Sila na mga artista o mga sikat na tao- Minsan kahit pa nga ang mga sinasabing Kristiano na ay hindi pa rin maaalis ang paggawa ng mga bagay na hindi nakalulugod sa mata ng Dios, ang pagtanggap ng mga maseselang papel na kanilang gagampanan, maaaring immoral, sexual phonograhy, kabaklaan o katombuyan,  ay tinatanggap pa rin dahil malaki ang talent fee na kanilang tatanggapin. Kahit ito ay labag sa kanilang mga paniniwala o pananampalataya. Sila ay napipiringan na maaaring alok lamang ito ng diablo upang makalimutan nila ang kanilang pagiging Kristiano. Mga pananamit na halos ilabas na ang kanilang buong kahubaran, alam nating ito ay hindi kalooban ng Dios dahil marami ang nagkakasala sa mga bagay na ito.

Mateo 5:28 Datapuwa't sinasabi ko sa inyo, na ang bawa't tumingin sa isang babae na taglay ang masamang hangad ay nagkakasala, na ng pangangalunya sa kaniyang puso.

 

Kaya hindi nila namamalayan ang mga panahon o mga oras na dumarating, hindi nila namamalayan dahil sila ay mga tulog sa Espiritual. Hindi nila namamalayan na mali ang kanilang mga pananamit o pamumuhay.

Minsan naman sa sobrang magagarbong pamumuhay o maluluhong gamit masasabi natin na sobra sobrang kalayawan.

 

1 Tim 5:6 But she that liveth in pleasure is dead while she liveth.

1 Tim 5:6 Datapuwa't ang nangagpapakabuyo sa mga kalayawan, bagama't buhay ay patay.

 

Pinatutunayan ng talatang ito na ang sinumang natutulog sa spiritual ay patay kahit buhay.

 

Maging ang mga mananampalataya ng ating Panginoong Jesus ay nauuwi din sa pagkatulog sa Espiritual. Marami ngayon ang nag lie low na sa paggawa ng mga gawain ng Panginoon. Noon sila ay mulat sa ang mga panahon ay nalalapit na ang pagbabalik ng Panginoong Jesus. Ngunit sa ngayon sila ay nangatutulog sa Espiritual nilang kalagayan.

 

ARE YOU AWAKE IN THIS FINAL HOUR?

 

A. PAANO MALALAMANG ANG TAO AY NAKAKATULOG NA SA ESPIRITUAL?

 

Dati pinanabikan nila ang mga oras na ginugugol nila sa mga gawaing ito ngunit sa ngayon:

 

1.  Wala ng panahon/oras na manalangin sa Panginoon.

 

Kumusta kapatid ang iyong pananalangin sa Panginoon? Dati nakakagising ka sa alanganing oras ng madaling araw para makatawag ka sa Panginoon, Dati pinananabikan mo ang pakikipag usap mo sa Panginoon, minsan nga ayaw mo nang umalis sa pakikipagfellowship sa Kanya. Para kang nakikipag usap sa iyong Ama na maraming hinihingi sa Kanya, parang kaibigan na pinagsasabihan mo ng iyong mga problema at mga nararanasan. Kumusta ka ngayon kapatid? Kumusta ang iyong pakikipagrelasyon sa Dios?

Lukas 18:1At sinalita niya sa kanila ang isang talinghaga, na sila'y dapat magsipanalanging lagi, at huwag manganglupaypay;

 

2.  Wala ng panahon/oras sa pagbabasa ng salita ng Dios o Biblia-

 

Awit 119:105 Ang salita mo ay ilawan sa aking mga paa, at liwanag sa aking landas

 

Paano natin malalaman ang kalooban ng Dios sa ating buhay kung magkukulang tayo sa pagbabasa ng salita Niya, doon natin malalaman ang mga bagay na mabuti, nararapat na pamumuhay na dapat nating lalakaran at ipamuhay sa mga araw na ito. Ang salita ng Dios ang liwanag ng ating buhay, ito ang mapa ng ating pamumuhay kung saan ang tamang daan na ating lalakaran.

 

3.  Wala ng panahon/oras sa pagdalo ng gawain ng Panginoon.

 

Dati halos ayaw mong mag absent sa mga gawain ng Panginoon, sobra ang mga panghihinayang mo kapag may na miss kang gawain Nya. Ngunit ngayon masyado ka yatang nahirati sa panonood na lamang ng mga gawain sa online at kinatamaran mo na ang pagdalo sa mga face to face na gawain para makasama man lang ang iyong mga kasamahan sa iglesia. Iba ang pakikipag fellowship sa mga kapatid kay Kristo. Malaya ka bang nakapagpupuri at nakakasamba sa Dios sa iyong kinalalagyan?

 

Hebreo 10:25 Na huwag nating pabayaan ang ating pagkakatipon, na gaya ng ugali ng iba, kundi mangagaralan sa isa't isa; at lalo na kung inyong namamalas na nalalapit na ang araw.

 

4.  Hindi na niya gustong magbigay ng kaniyang ikapu o mga kaloob-

 

Dati bago ka gagastos ay lagi mong inuuna ang pagtabi ng iyong mga ikapu at mga kaloob ngunit ngayon tila hinayang na hinayang ka na sa pagbibigay ng iyong dapat na ibigay sa Panginoon. Alam mo bang ang bawat hindi pagbibigay sa Dios ng ating ikapu ay maghahatid sa atin sa hindi pagsunod sa DIOs dahil ito ay isang test ng ating pananampalataya kung tayo ba ay tunay na nagtitiwala sa Kanya na sa Kanya galing ang bawat bagay na nasa atin.

Malakias 3:10 Dalhin ninyo ang buong ikasangpung bahagi sa kamalig, upang magkaroon ng pagkain sa aking bahay, at subukin ninyo ako ngayon sa bagay na ito, sabi ng Panginoon ng mga hukbo, kung hindi ko bubuksan sa inyo ang mga dungawan sa langit, at ihuhulog ko sa inyo ang isang pagpapala, na walang sapat na silid na kalalagyan.

Maraming churches and fellowship ang hindi na tinutupad ang utos ng Dios dahil sa sinasabi nila na wala na tayo sa kautusan. Tama hindi na tayo namumuhay sa “Dispensation of Law” tayo ay nasa panahon na ng pamimigay ng Grasya ng Dios “Dispensation of Grace”. Kaya mas higit nating maibalik sa Dios ang dapat na para sa Kanya dahil hindi na nating kayang magpatay pa ng mga alaga nating hayop dahil wala naman tayong gayon, kungdi ang nasa atin ang dapat nating muling ibalik sa kanya bilang tanda ng ating pagmamahal sa Dios. Lagi nating alalahanin na HINDI KAILANGAN NG DIOS ANG ATING PERA.  Sabihin sa katabi hindi kailangan ng Dios ang pera mo. Ano ba ang sinasabi sa Kanyang salita?

 

Malakias 3:10 Dalhin ninyo ang buong ikasangpung bahagi sa kamalig, upang magkaroon ng pagkain sa aking bahay.

 

Kumakain ba ang Dios bilang isang Espiritu? Hindi! Ito ay para sa Kaniyang tahanan:

a)    Sa mga pangangailangan ng kaniyang tahanan. Alam natin na may mga pinagkakagastusan sa tahanan ng Dios. Renta, tubig, meralco ( napakapalad natin tayo ay naka aircon) maraming churches na walang kagaya ng atin.

b)     Sa mga tao o direkta na nating sabihin sa nagpapagamit sa Dios upang ipagamit ang kanilang mga buhay upang mangaral, magligtas, magpalago at magpalakas sa mananampalataya ng Dios.

 

Sa katotohanan po hindi po madaling magpagamit sa Dios, lalo na kung ang magpapagamit ay talagang iniwanan ang kanilang mga kabuhayan, trabaho upang tanggihan ang sarili at sumunod sa Dios. Nawa huwag pong maging negatibo ang inyong pagtanggap sa mga bagay na ito dahil noong ako’y nagsisimula pa lamang na nakakilala sa Dios bilang Kristiano ito ang unang nakatisod sa akin, ngunit noong ginising ako ng Dios sa aking pagkakatulog spiritual. Mas higit kong naunawaan ang mga bagay na ito at ito din ang naging paraan ng Dios upang patuloy Niya akong pagpalain sa kabila ng maraming mga gastusin.

 

5.  Hindi na rin niya ipinagagamit ang kaniyang kakayahan, talento para sa Dios.

 

Ang bawat isa sa atin ay may ibinigay na talento ang Dios, AMEN! Huwag nating sabihin na tayo ay matanda na o may gulang na upang hindi natin ipagamit ang talentong ipinagkatiwala sa atin ng Dios. Ang una lamang nating gawin ay humakbang upang sumunod sa pagpapagamit sa Kanya na may pahiram sa atin ng talentong nasa atin. Noong nakalipas na pagtayo ko po dito, natatandaan ko na may pag aakay ang Dios sa akin na ipahayag o sabihin sa bawat isa sa inyo na KAILANGAN KAYO NG DIOS!

 

Ang ating pananabik na magawa ang mga kalooban ng Dios sa ating buhay ay patunay na tayo ay gising sa mga araw na ito sa espiritual.

 

Alam ninyo bang ang pagganap at pagtupad ng mga utos ng Dios ay maaaring makapag akay sa mga taong nasa ating kapaligiran upang sila rin ay kumilala sa ating Panginoong Jesus.

 

Hindi man tayo nakakapag share ng salita ng Dios sa mga tao, pero sa pamamagitan ng ating ipinamumuhay at pinag aayos ang ating mga karakter, ito ay nagpapakitang tayo ay nabubuhay  sa pagkagising. Makita sa ating buhay na tayo ay tagasunod ni Kristo. Ang sinomang mananampalataya ng Panginoong Hesus na gumigising sa mga oras na ito upang maipakilala nila ang mga panahon na sumasama na.

 

Roma 13:11 At ito, yamang nakikilala ang panahon, na ngayo'y kapanahunan nang magsigising kayo sa pagkakatulog:

 

III.      The hour has already come for you to wake up from your sleep. 

Nalaman natin na kaya tayo ay ginigising sa ating pagkakatulog dahil ang panahon ay masama, kung ang mga tao ay lubusan ng nagpapakasama o nagkakasala ano ang nangyayari sa kanila sila ay parang mga zombies na “buhay na patay”, ayaw nating maging katulad sa kanila kaya tayo habang may panahon pa ay ginigising na sa ating pagkakatulog kung tayo man ay natutulog pa hanggang ngayon.

Mababasa natin sa Efeso ang patuloy na paghihikayat na ang mga tao ay magsipaggising.

Efeso 5:14 Kaya sinasabi niya, Gumising kang natutulog, at magbangon ka sa gitna ng mga patay, at liliwanagan ka ni Cristo.

Sino ba itong mga mga tinatawag na mga patay? Muli nating balikan ang salita ng Dios.

Roma 6:23 Sapagka't ang kabayaran ng kasalanan ay kamatayan; 

n  Ang sinumang nagkakasala ay patay sa harap ng Dios, kaya tayo ay pinag iiba ng gagawin. Bilang mga Kristiano dapat na lumalayo na tayo sa kasalanan na maaring maghatid sa atin sa kamatayan spiritual.

Efeso 5:15 Mangagingat nga kayong lubos kung paano kayo lumalakad, huwag gaya ng mga mangmang, kundi gaya ng marurunong;

n  Paano tayo lumalakad sa mga araw na ito, gumagaya ba tayo sa mga patay na nasa ating paligid? Tayo ay pinalalakad ng may katalinuhan upang huwag magaya sa kanila.

 

Efeso 5:16 Na inyong samantalahin ang panahon, sapagka't ang mga araw ay masasama.

 

n  Ngayon ang panahon na tayo ay magsigising na dahil ang panahon ay pasama ng pasama, hindi natin namamalayan ang mangyayari o nangyayari kung tayo ay tulog. Kaya tayo ay patuloy na magbago at magpabago sa Panginoon na patuloy na magpakabuti, lumakad sa pagmamahalan, pagtutulungan, at magpalakasan upang tayong mga magkakapatid kay Kristo ay makapamanalagi sa paglilingkod sa Dios.

 

ARE YOU AWAKE IN THIS FINAL HOUR?

GISING KA NA BA KAPATID? (sabihin sa katabi)

Makita nating maraming tao ang napapahamak kung hindi sila makakaalam ng pagliligtas ng Panginoon. Marami ang mapapahamak, Kaya tayo ay  ginising upang makita natin sila na napapahamak,  atin silang sagipin sa tiyak na pagkabulid sa apoy ng impieyerno kung hindi rin natin gigisingin ang kanilang pagkakatulog sa pamamagitan ng paghahayag ng salitang kaligtasan.

Efeso 5:17 Kaya huwag kayong maging mga mangmang, kundi unawain ninyo kung ano ang kalooban ng Panginoon.

Eph 5:17 (GW) So don’t be foolish, but understand what the Lord wants.

Ito ang kalooban ng Panginoon na sagipin ang mga natutulog din, ayaw ng Panginoon na tayo ay madatnan niyang nangatutulog Espiritual na walang ginagawa. Dapat nating gawin ang kalooban ng Panginoon na ating gawin.  Bakit?

 

Roma 13:11 At ito, yamang nakikilala ang panahon, na ngayo'y kapanahunan nang magsigising kayo sa pagkakatulog: sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una.

 

IV.       Now our salvation is nearer than when we first had faith, (CEV)

Our salvation is nearer now than when we first became believers. (GW)

for now is our salvation nearer than when we believed. (KJV)

 

n  Ilang taon ka ng Kristiano? Kailan ka nakakilala sa ating Panginoong Hesus, 10 years, 20 years 30 years. Hahayaan mo bang sa tagal ng iyong paglilingkod ay mahatid ka lang sa pagkakatulog at hindi makamit ang pagliligtas na matagal mo ng inaasam asam? 

 

n  Sa ating matagal na pagiging Kristiano ano ang iyong ginagawa sa Panginoon? Baka hanggang ngayon kayo pa ang pinupuntahan ng mga Pastor at mga manggagawa para bahagian ng salita ng Dios sa inyong bahay?

 

n  Mga kapatid tayo ay magsigising na sa ating pagkakatulog dahil sa tagal mo na sa Iglesia, marami ka ng mga salita ng Dios na napakinggan.

 

n  Marahil marami ng patotoo ang Dios sa iyo, maraming pagpapagaling, pagpapalaya at pagliligtas ng ginawa ang Dios baka pwede namang makasama ka na sa pagbabahagi ng salita ng Dios.

 

n  Ipatotoo mo naman ang iyong buhay na patuloy na binabago ng Dios. Baka pwede ka na ring makatulong sa pagtuturo sa mga bahay bahay. Huwag nating aksayahin ang ating natututuhan magkaroon tayong puso sa mga taong totoong tulog sa Espiritual.

 

n  Ipakilala mo sa mga tao ang kaligtasan na ibinibigay ng Dios sa  iyo.

 

Patuloy tayong maging gising upang huwag lumagpas sa atin ang kaligtasan na ating inaasahan. sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una.

 

V.         BAKIT TAYO GINIGISING SA PAGKAKATULOG?

 

1.  Ginigising tayo upang tayo ay makapamuhay sa katwiran ng Dios.

 

1 Cor 15:34 Gumising kayo ng ayon sa katuwiran, at huwag mangagkasala; sapagka't may mga ibang walang pagkakilala sa Dios: sinasabi ko ito upang kayo'y kilusin sa kahihiyan.

 

Ang mga tulog sa Espiritual hinihintay na lang nila ang kanilang mga oras para mamatay hindi na nila iniisip kung saan sila mapupunta pagkatapos nilang mamatay. Kaya nga hindi nila inaayos ang kanilang mga masasamang ugali, hindi sila natatakot kung ano ang kahihinatnan nila dahil sila ay tulog nga walang nalalaman.

 

2.  Ginigising tayo upang tayo ay makapamuhay ng matuwid, huwag nating gawin ang mga bagay ng laman na hindi maghahatid sa atin sa pagkaligtas.

1 Cor 6:12 Ang lahat ng mga bagay sa akin ay matuwid; nguni't hindi ang lahat ay nararapat. Ang lahat ng mga bagay sa akin ay matuwid; nguni't hindi ako pasasakop sa kapangyarihan ng anoman.

1 Cor 6:8 Nguni't kayo rin ang mga nagsisigawa ng kalikuan, at nangagdaraya, at ito'y sa mga kapatid ninyo. ⁹ O hindi baga ninyo nalalaman na ang mga liko ay hindi magsisipagmana ng kaharian ng Dios? Huwag kayong padaya: kahit ang mga mapakiapid, ni ang mga mananamba sa diosdiosan, ni ang mga mangangalunya, ni ang mga nangbababae, ni ang mga mapakiapid sa kapuwa lalake. ¹⁰ Ni ang mga magnanakaw, ni ang mga masasakim, ni ang mga manglalasing, ni ang mga mapagtungayaw, ni ang mga manglulupig, ay hindi mangagmamana ng kaharian ng Dios.

¹¹ At ganyan ang mga ilan sa inyo: nguni't nangahugasan na kayo, nguni't binanal na kayo, nguni't inaring-ganap na kayo sa pangalan ng Panginoong Jesucristo, at sa Espiritu ng ating Dios.

 

3.  Ginigising tayo upang huwag tayong makisama sa masasamang tao upang huwag masira ang ating magandang ugali.

1    Cor 15:32 Kung ako'y nakipagbaka sa Efeso laban sa mga ganid, ayon sa kaugalian ng tao, ano ang pakikinabangin ko? Kung ang mga patay ay hindi muling binubuhay, magsikain at magsiinom tayo yamang bukas tayo'y mangamamatay. 33Huwag kayong padaya: Ang masasamang kasama ay sumisira ng magagandang ugali.

4. Ginigising tayo upang tayo magbangon tayo sa gitna ng mga patay at liwanagan tayo ni Kristo

 

Efeso 5:14 Kaya sinasabi niya, Gumising kang natutulog, at magbangon ka sa gitna ng mga patay, at liliwanagan ka ni Cristo.

 

5.  Ginigising tayo upang tayo ay makapagsuot ng buong kagayakan ng Dios at  magtamo ng kaligtasan na galing sa ating Panginoong Jesukristo

1 Tesalonica 5:6 Huwag nga tayong mangatulog, gaya ng mga iba, kundi tayo'y mangagpuyat at mangagpigil. ⁷ Sapagka't ang nangatutulog ay nangatutulog sa gabi; at ang nangaglalasing ay nangaglalasing sa gabi. ⁸ Datapuwa't palibhasa'y mga anak tayo ng araw, mangagpigil tayo, na isuot ang baluti ng pananampalataya at ng pagibig; at ang maging turbante ay ang pagasa ng kaligtasan.

⁹ Sapagka't tayo'y hindi itinalaga ng Dios sa galit, kundi sa pagtatamo ng pagkaligtas sa pamamagitan ng ating Panginoong Jesucristo,

6.  Ginigising tayo upang magawa nating ipangaral ang pagliligtas ng Panginoong Hesus. Dahil darating ang panahon na hindi na nila titiisin ang magaling na aral.

1 Tim 4:1 Ipinagbibilin ko sa iyo sa paningin ng Dios, at ni Cristo Jesus, na siyang huhukom sa mga buhay at sa mga patay, sa pamamagitan ng kaniyang pagpapakita at sa kaniyang kaharian:

² Ipangaral mo ang salita; magsikap ka sa kapanahunan, at sa di kapanahunan, sumawata ka, sumaway ka, mangaral ka na may buong pagpapahinuhod at pagtuturo.

³ Sapagka't darating ang panahon na hindi nila titiisin ang magaling na aral; kundi, pagkakaroon nila ng kati ng tainga, ay magsisipagbunton sila sa kanilang sarili ng mga gurong ayon sa kanilang sariling mga masasamang pita;

7.  Ginigising tayo upang muli nating gawin ang dati nating mga ginagawa ng tayo makakilala sa Dios.

Patuloy tayong manalangin, patuloy tayong magbasa ng salita ng Dios, patuloy tayo muling makadalo sa mga gawain ng Dios, tayo ay makipag fellowship sa ating mga  kapatid kay Kristo,  patuloy nating tulungan ang ating kinabibilangang Iglesia  upang magamit sa pagbibigay ng iyong ikapu at mga kaloob. Patuloy mong ipagamit ang iyong sarili, ang mga talentong ibinigay ng Dios sa iyo huwag mong hayaan na patuloy na makatulog lalo na sa iyong Espiritual na kalagayan.

Conclusion:

Sila na mga natutulog sa Espiritual ay patuloy na magnanasa ng mga bagay na masasamang pita na maghahatid sa kanila sa kapahamakan. Kaya tayong mga Kristiano ay ginigising sa ating Espiritual na pagkakatulog ay magbangon upang ang mga maling gawa ng tao sa sanlibutan ay ating maitama at mahatid din sila sa pagkakilala sa Dios.

Kung sa ating sarili ay nakita natin na tayo ay nasa Espiritual na pagkakatulog pa sa mga araw na ito. Ito ang panahon upang ating kilalanin sa Dios ang ating pagkukulang sa Kanya upang tayo ay magsigising sa ating pagkakatulog, gawin ang kalooban ng Dios sa ating buhay. Nais ng Dios na ang lahat ng mga tao ay makaalam ng katotohanan upang maligtas, nawa magawa natin ang ating parte. Lahat tayo ay ginigising ng Dios sa pagkakatulog. Upang manggising din naman ng mga taong tulog na kung hindi mahahatid sa pagkagising sila ay mangapapahamak lamang.

IKAW NA NATUTULOG, GUMISING KA NA!!!

 

ARE YOU SPIRITUAL AWAKE???

TO GOD BE THE GLORY!